|
Søknad om permisjon under 14 dagar
Permisjonssøknader som er heimla i permisjonsreglementet, og som ikkje varer meir enn i 14 dagar, skal ikkje registrerast i kommunen sitt sak-/arkivsystem.
Fråvær grunna permisjon heimla i permisjonsreglementet skal registrerast i Visma enterprise.
Det er ikkje krav til oppbevaring av skjema utover det kalenderåret permisjonen gjeld.
Søknad om permisjon over 14 dagar
Permisjonssøknader som er heimla i permisjonsreglementet eller anna lovverk skal vere skriftlege og registrerast som inngåande dokument i arkivsak,
permisjonar knytt til personalmappe - permisjon.
Søknad om permisjon blir avgjort administrativt innanfor rammene av permisjonsreglementet og delegasjonsreglementet.
Andre permisjonar vert handsama politisk.
Svar på søknad om permisjon skal vere melding om vedtak, produsert i sak-/arkivsystemet.
Lønningskontoret skal vere kopimottakar.
Dersom det blir gitt avslag på permisjonssøknad, skal arbeidstakar ha informasjon om eventuelle klagerettar.
Klage på vedtak og vidare handsaming av klagesak, skal dokumenterast i same personalmappe. |
|